AXE Ferrolterra - Minimarket - O emprendedor Raúl Lomba cóntanos a súa experiencia

    O día 27 de marzo, dentro da colaboración coa Asociación de Xóves Empresarios de Ferrolterra, o emprendedor Raúl Lomba contounos a súa experiencia. 

   Raúl comezou a emprender desde moi novo, con tan só 15 anos, o día en que decidiu mercar a súa primeira cámara. Daquela non era consciente de que o que acababa de adquirir se ía converter na súa primeira ferramenta de traballo.

   En 2018 comezou o seu maior proxecto ata a data, ao que bautizou como Waves, unha marca de roupa e complementos que conta cunha tenda física exclusiva para a marca en Ferrol e que, segundo nos desvelou no relato da súa experiencia. , en breve dará o seguinte paso.

   Ata o día de hoxe, Raúl contounos como non só se dedicou a seguir adiante coa súa propia firma de roupa, senón tamén como se acometeu a outros sectores como a organización de eventos ou a fotografía.

Plan Proxecta+ : Obradoiro Prensa

 Os alumnos de 4º ESO incluídos nos proxecto de Galicons+ Publicidade Sana están a realizar o taller de análise da prensa escrita para ver os diferentes xeitos de publicidade que se utiliza nos medios de comunicación escritos. 

   Con diversos xornais localizamos os distintos tipos de anuncios e realizamos un estudo estatístico dos mesmos. 

VISITA A GADISA COS ALUMNOS DE 4º ESO

  Os alumnos de 4º ESO do IES de Catabois realizaron o pasado día 22 de marzo de 2023 unha visita á sede central de Gadisa en Betanzos. 

   O evento foi organizado polo departamento de Economía co obxectivo de ter coñecemento de primeira man sobre como funciona unha empresa na realidade e en que partes se atopa dividida. A maiores permítelles visualizar como son os traballos que se realizan na realidade tras visitar a parte de administración e de almacén, así como ver a sala de xuntas da empresa. 

   Os alumnos quedaron moi contentos da visita ao ver na práctica o que significa o mercado laboral. 

Viaxe de Erasmus a Polonia

Continuamos coa participación no Erasmus + “Upcycling: A Project from Bottom to Top”. Do 12 ao 19 de marzo tres alumnos de 4º ESO e unha alumna de 2º ESO viaxaron xunto a dúas docentes a Bierun (Polonia). As minas de sal de Wieliczk, Patrimonio da Humanidade, un trekking pola natureza nun fermoso parque nacional para “fomentar o coidado e respecto de esta”, o campo de concentración de Auschwitz ou Cracovia foron algúns dos lugares que visitaron. Ademáis realizaron talleres de upcycling, actividades deportivas e outras actividades que podemos ver nas seguintes imaxes.

EDUCACION EMOCIONAL

 Este curso adicamos un tempo a traballar as emocións nos diferentes cursos da ESO, a saber recoñecelas a saber xestionalas. 

En 1º ESO o alumnado deseñou unhos emoticonos que decoraron o corredor central.

 Tamén decoraron parte do muro da entrada coa temática  das emocións.

Nos restantes cursos da ESO houbo varios obradoiros adicados a educación emocional, neles tratouse a intelixencia emocional, a xestión do estrés e da ansiedade, a saúde mental e o autocuidado...

Día Mundial dos Dereitos do Consumidor

 Para conmemorar o Día Mundial dos Dereitos do Consumidor o Departamento de Economía organizou unhas charlas para sobre o consumo responsable para os alumnos de 1º ESO e 3º ESO

Plan Proxecta+ : Deseñando os cartaces

     Dentro do Plan Proxecta+ Publicidade Sana, continuamos a desenvolver o plan coa elaboración dos cartaces que servirán de base para a venda do produto.

   Colaborando entre os departamentos de Economía, Debuxo e Historia, estamos a ensinarlles aos alumnos as diferentes técnicas da carterlería tanto histórica como actualmente.

    Son uns primeiros borradores utilizando diversas técnicas que procedermos a pulir de cara á fase final do proxecto.