![](https://blogger.googleusercontent.com/img/b/R29vZ2xl/AVvXsEjCnPXsiPBRsU4Rsixsqxm-hJwXgdh9I7qUbBDjRDqERsOaoVoQd7KVE9IC6niM7pdtt9lnNmy9yhxkf8U1O4IKWoB0AZrNQRxJURUq7N2RBu-nNF0H_BcT75XLRNtdopDsKfmA8LjAaVyN/s400/25N+2016+%25281%2529.jpg)
Con letras brancas sobre fondo negro, apareceu o título desta entrada como lema do 25 de novembro en portas e fachadas de comercios, de tendas, de bares, de edificios públicos de Ferrol. Mais tamén nos peitos do noso alumnado de 3º da ESO, que luciu o negro contra a violencia machista nas camisolas cedidas pola área de Igualdade e Muller do Concello de Ferrol.
O pasado venres 25 de novembro, no teatro Jofre reuníronse en pleno máis de trescentas alumnas e alumnos dos institutos de Ferrol para debater sobre o tema. Finalizaría o acto coa plantación simbólica de rosas polas vítimas.