mércores, 1 de febreiro de 2023

Plan Proxecta+: O Instituto Galego de Consumo visita o noso centro

       Dentro do desenvolvemento do Plan Proxecta+ Galicons.net, vense de celebrar o pasado día 26 de xaneiro o obradoiro 4 do plan "Consumo Responsable" impartido por unha técnica do Instituto Galego de Consumo. 

     A técnica falou dos diferentes xeitos de publicidade e o uso fraudulento que se fai da mesma por parte de diferentes empresas, expoñendo casos prácticos.

    A presentación tivo un forte impacto nos alumnos presentes, creándose un debate posterior moi interesante sobre a realidade do alumnado e a práctica empresarial. 










venres, 20 de xaneiro de 2023

O IES de Catabois asiste ao Encontro Internacional Erasmus+

         Os pasados días 18 e 19 de xaneiro celebrouse na nosa cidade de Ferrol o Encontro Internacional Erasmus+ a onde concurreu o noso instituto coa presenza de diversos docentes e a presentación dunha ponencia por parte da nosa directora Teresa Gómez Cheda explicando a experiencia Erasmus do noso centro.

        O IES de Catabois leva dende o ano 2011 participando en proxectos de internacionalización acadando unha grande experiencia na xestión destes programas.  Os alumnos do centro poden así contar cunha vía diferente de acadar novas competencias así como vivir experiencias vitais dun xeito diferente e aberto a Europa.

        





mércores, 21 de decembro de 2022

Iniciamos o Plan Proxecta+ Galicóns 2022-23: PUBLICIDADE SANA

         Tras a concesión do Plan Proxecta+ Galicons ao IES de Catabois iniciamos as actividades relacionadas coa Publicidade Sana e os distintos obradoiros de dito programa. O plan consistirá en diversas actividades e obradroiros para que os alumnos se formen un criterio sobre os distintos tipos de impactos publicitarios que reciben a diario nos medios e nas redes sociais.

Os alumnos  de 4º ESO estiveron a traballar na materia de Iniciación á Actividade Emprendedora e Empresarial a historia da publicidade, vendo varias dos exemplos dos anuncios televisivos ao longo do tempo e a comparalo coa publicidade televisiva que se recibe na actualidade. 


Por outra banda na materia de Educación Plástica, Visual e Audiovisual, os alumnos estiveron a deseñar o produto do obradoiro 3 do plan proxecta+ Publicidade Sana consistente na creación dunha taza para a súa venda no centro.





(c) Departamento Economía IES Catabois

venres, 28 de outubro de 2022

Viaxe de Erasmus a Turquía

 

Catro alumnas e dúas docentes do IES de Catabois partiron o 9 de outubro rumbo a Turquía para participar no encontro de diferentes grupos que a nivel europeo participan no proxecto Erasmus + “Upcycling: A Project Bottom to Top”. Alí pasaron seis días inolvidables creando obras artísticas a partir de materiais de refugallo que é o eixo sobre o que xira o proxecto. Ademais tiveron tempo de empaparse e adentrarse na vida do país facendo camiñatas e deportes na natureza, por exemplo realizaron un tour pola cidade de Giresun a orillas do Mar Negro e pola cidade de Ordu;  visitaron o parque natural de Kuzulan, coa súa cascada e o seu lago azul, os travertinos de Göksu e subiron en teleférico ata Boztepe onde disfrutaron dunha preciosa paisaxe. 












luns, 11 de xullo de 2022

 UNHAS PROFESIÓNS DE COIDADO

Para a antropóloga feminista, Margaret Mead a fractura dunha pata dun animal implica a súa morte ante a imposibilidade de poder protexerse e alimentarse. É presa facil para outros animais. Igual ocorre coas persoas se non son coidadas. 

Por isto, a aparición dun fémur fracturado e curado é o primeiro signo de civilización, porque significa que algunha persoa se encargou de protexer á persoa cuxa perna se fracturou, levouna a un lugar seguro, proporcionoulle alimentos e todos os coidados que requeriu para a súa recuperación.



Este debuxo titúlase "A miña nai e as mulleres da miña veciñanza e pintouno un estudiante de 9 anos Anujhat Vinayal de Thrissur de Kerala, India, quen, ao preguntar polo traballo da súa nai, ouía dicir ao seu pai: "so está na casa, non fai nada".



Estes son dous exemplos que nos falan da importancia e á vez da invisibilidade que teñen os coidados para o desenvolvemento da vida, traballos que, na maioría das sociedades recaen nas mulleres.


Co gallo do 8 de marzo, Día Internacional das Mulleres, no IES de Catabois realizamos diferentes actividades adicadas a poñer en valor os COIDADOS da vida. Quixemos que os coidados pasaran a formar parte en primeiro plano e sacalos da súa eterna invisilidade.


Seguindo os principios da corresponsabiliadade social, a Pedagoxía dos coidados explícanos que a coidar apréndese, como afirma Nell Noddings (filósofa e educadora feminista) todos/as temos dereito  a ser coidados e todos/as podemos coidar, ensinando a coidar a saúde física, psiquica e social propia e a dos demais e da natureza e o entorno




Fíxose unha presentación nas aulas sobre a razón de escoller os coidados como tema clave no Día Internacional da Muller co alumnado de 3º e 4º da ESO e dos Programas Formativos Básicos (PFB) e como fin de actividadde viñeron a falarnos de coidados a Directora de Cruz Roja Ferrol, María Silveira Santamaría, Xelo Paz Rodríguez, Educadora Social da Residencia de maiores de Ortigueira e Rafael Rodríguez Martínez, Presidente de ALCER, Asociación de loita contra as enfermidades renais.
 
As actividades cos grupos de 1º e 2º da ESO estiveron centradas no deporte como hábito de vida saudable, como o deporte coida do noso benestar psiquico e social. Para esta actividade contamos co Clube de Remo da Cabana, representado en Manuel López Rio, Brais López e Tania Gabía Rascado  entrenadores e participante feminina dando así visibilidade á muller nun deporte minoritario na comarca

Dende o IES de Catabois moitas grazas a todas as persoas 
 que colaboráchedes para que a sociedade avance. 👏👏👏💯

mércores, 8 de xuño de 2022

XORNADA DE SENSIBILIZACIÓN E FORMACIÓN SOBRE A DIVERSIDADE AFECTIVO-SEXUAL

    Co obxectivo de sensibilizar sobre a importancia do respecto e a igualdade das persoas, independentemente da súa orientación sexual, organizamos un obradoiro impartido por Cristina Palacios, presidenta de Arelas, asociación de familias de menores Trans.

Temos que agradecer o seu bo facer, e a súa implicación. A súa intervención non deixou indiferente a ninguén. Grazas Cristina pola túa labor!

 






mércores, 18 de maio de 2022

Viaxe de Erasmus a Tesalónica (Grecia) do 7 ao 14 de maio

 Catro alumnos e dúas docentes do IES de Catabois partiron o 7 de maio rumbo a Grecia para participar no encontro de diferentes grupos que a nivel europeo participan no proxecto Erasmus + “Upcycling: A Project Bottom to Top” . Pasaron uns días inolvidables traballando no proxecto. Alí fabricaron obxectos de colgar con materiais de desfeito e ademais escoitaron o himno europeo e outras cancións con obxectos musicais tamén creados con este tipo de materias de desfeito aos que deron unha nova vida. Pero no medio, ademais tiveron tempo de empaparse e adentrarse na vida do país facendo camiñatas e deportes na natureza, por exemplo no Parque Nacional Agios Nikolaos para valorar a beleza e concienciar da necesidade de respectar o medio natural. Visitaron Vergina, onde está un xacemento arqueolóxico declarado Patrimonio da Humanidade pola Unesco. Alí está enterrado Filipo II de Macedonia, pai de Alejandro Magno.

Visitaron o Museo Tecnolóxico de Noesis onde asistiron ao planetario con impresionantes imaxes e a exposición de Génesis, onde a partir de residuos represéntase coa proxección de sombras toda a historia da Terra dende o inicio do Universo ata a actualidade. 

Ademais probaron a deliciosa comida griega, aprenderon os seus bailes e bañáronse no Mar Egeo, que máis se pode pedir?