DECORANDO A HORTA

Onte o alumnado de 2º PMAR comezou coa decoración da nosa horta facendo un graffiti:

CHARLA SOBRE ENERXIA RENOVABLES

O luns 20 de xaneiro os alumnos/as do IES de Catabois desprazaronse ata  as instalación do IES Punta Candieria en Cedeira , para unha xornada de formación en enerxías renovables. Esta formación foi impartida polo profesor Pedro Franco Leis. Esta actividade foi moi útil xa que estamos interesados en obter unha forma de regadío innovadora utilizando a auga da choiva.

APRENDENDO MITOLOXÍA CLÁSICA

 O 19 de novembro de 2019, a compañía de teatro de Antonio Blanco , Carmona, deleitounos cunha aproximación lúdica á mitoloxía clásica.

  Asistiu todo o alumnado do centro matriculado na ESO, ademais dos profesores que nesas horas tiñan clase cos diferentes grupos.

Foi unha tarde moi agradable e divertida. E, por riba de todo, moi productiva, xa que o alumnado non esquecerá nunha aos habitantes do Olimpo.

VISITA OS MUSEOS DOMUS E MUNCYT

O  día 14 de Xaneiro 45 alumnos dos cursos de 2º, 3º e 4º da ESO acompañadas polas profesoras de matemáticas e a profesora de bioloxía realizaron unha visita á Domus e ao museo Muncyt en A Coruña en horario de 10:00 a 18:00.

Chegaron sobre as 11:00 e no Laboratorio Aberto da Domus, os alumnos de 3º ESO e os alumnos de Bioloxía e Xeoloxía de 4º ESO transformáronse en biotecnólogos realizando unha transformación bacteriana e participaron na procura dunha diana para o tratamento contra a arterioesclerose. Mentres, o resto do alumnado visitaba a sala de exposicións da Domus e realizaba un cuestionario sobre os distintos paneis desta sala.

A comida foi no centro comercial “ Los Rosales” , xa a continuación visitaron o museo Muncyt onde os alumnos  realizaron o desafío MUNCYT, unha actividades que consistía en percorrer o museo a través dunha serie de retos descubrindo por eles mesmos as cousas asombrosas que esconden as distintas salas deste Museo Nacional de Ciencias e Tecnoloxía.

SACHA QUE TE SACHA

Despois de que o tempo nos dera unha tregua, por fin poidemos empezar a sachar e a acondicionar a nosa horta.
Os primeiros en sair a traballar foi o alumnado de primeiro da ESO, como se pode ver nas seguintes imaxes:

PULSERAS EN CONTRA DO MATRIMONIO INFANTIL

         Este curso tivemos a oportunidade de colaborar  coa ONG “Save the Children” apoiando a súa campaña en contra do matrimonio infantil. O alumnado participou vendendo unhas pulseiras , ao prezo simbólico dun euro.   Grazas mozas e mozos por querer colaborar con esta iniciativa!.

Os cartos foron destinados para o fondo “Right to be a girl”  (dereito a ser unha nena), que persegue que menos nenas se casen a idades temperás, e as que xa están casadas podan ter unha formación e un futuro propio. 

O alumnado conseguiu recaudar 118€.
Dende a ONG Save the Children agradecen a vosa colaboración!