sábado, 21 de decembro de 2019

ESPECTACULO DE MAXIA E DIVULGACION CIENTÍFICA

      O día 19 de Decembro visitou o noso centro o mago Richard, para presentar o seu espectáculo de maxia e divulgación científica "tecno iguais",  unha actividade coa que colabora na loita pola igualdade  entre homes e mulleres, ao tempo que fai visibles as científicas mais importantes da historia.  
       A actividade foi ben recibida polo alumnado que disfrutou enormemente con ela.

 










mércores, 11 de decembro de 2019

EXPOSICIÓN AS MULLERES NO MUNDO DAS TIC


       Durante dúas semanas tivemos no IES a exposición "As mulleres no mundo das TIC" que fai visible e pon en valor  as enxeñeiras, científicas e tecnólogas cuxas invencións teñen ou tiveron un papel destacado no desenvolvemento das TIC.


   
   Cada panel amosa algunhas das achegas realizadas ao longo da historia por distintas mulleres adiantadas o seu tempo. As mulleres que compoñen a exposición son:

  • Ana María Prieto López, pioneira galega da programación en España
  • Ada Lovelace, primeira programadora da historia
  • Roberta Williams, creadora da primeira aventura gráfica
  • Ángela Ruiz Robles, precursora do libro electrónico
  • Katherine Johnson, calculadora da NASA responsable da traxectoria  do voo do primeiro estadounidense no espazo
  • Frances E. Allen, primeira muller en gañar o Premio Turing, o Nobel da computadora
  • Hedy Lammar, co-inventora do sistema do espectro ensanchado, precursora do Wi-Fi
  • Grace Hopper, pioneira  en linguaxes de programación e creadora do primeiro compilador
  •  as programadoras do ENIAC, o primeiro ordenador de propósito xeral
  • Joan Clarke, excepcional criptoanalista de mensaxes cifradas enviadas por submarinos alemáns durante a Segunda Guerra Mundial.




Queremos animar ás nosas rapazas a escoller profesións científico-tecnolóxicas, se é o que elas queren!.









CHARLA DE SOGAMA SOBRE O COMPOSTEIRO

O 26 de novembro tivemos unha charla informativa para todo o alumnado do instituto, onde se nos informou de todo o relacionado sobre a compostaxe para poder poñer o noso composteiro en marcha. Catuxa foi a encargada de contarnos todo o proceso de reciclaxe e o funcionamiento da planta de SOGAMA.




martes, 26 de novembro de 2019

ACONDICIONAMENTO DA CASA DO CONSERXE

 Neste gran proxecto de facer unha horta ata o 

persoal non docente vese implicado: 

acondicionándonos a antiga casa do conxerse. 

Alí deixamos as ferramentes e podemos asearnos 

despois de andar traballando na horta.

luns, 25 de novembro de 2019

CONCURSO CARTEIS CONTRA A VIOLENCIA DE XÉNERO



      Durante este mes de novembro  organizouse un concurso de carteis, frases e lemas para contrubuir e manifestar o  rexeitamento en contra da violencia cara as mulleres.

   Este foi o elixido como gañador, e é que é o que nos representa como centro. Puxémolo como fondo de perfil do WhatsApp, para facelo viral e que chegase á maior cantidade de xente posible.





  



Os demais carteis e lemas están expostos nun dos taboleiros do corredor central.


25 N DIA EN CONTRA DA VIOLENCIA DE XÉNERO



      No día de hoxe 25 de Novembro, celebramos o día en  contra da violencia de xénero no noso IES.

  Estas son algunhas das actividades que fixemos:

Árbore contra a violencia de xénero, o alumando de 2º PMAR fixo a silueta dunha árbore e tamén recortou as follas nas que o resto do alumnado escribiu as súas frases e lemas en contra da violencia machista.
























O alumnado de 2º PMAR preparou tamén unhos lazos de cor violeta, que posteriormente cada alumno/a do centro se poñía,  unha vez colocada a súa frase, lema...contra a violencia de xénero na árbore



















mércores, 20 de novembro de 2019

VISITA DA TRIATLETA MARTA BARBEITO PARA PROMOCIONAR O DEPORTE FEMININO


       Dentro do marco do proxecto AMAZONAS, para o fomento do deporte feminino, tivemos este mércores a charla de Marta Barbeito que ofreceu a Federación Galega de Triatlón ao alumnado de 1º e 2º da ESO.


      Esta triatleta galega explicounos os  fundamentos deste deporte que require gran capacidade de esforzo e sacrificio persoal. De xeito divertido explicounos as distintas disciplinas que o compoñen (natación, ciclismo e carreira), os materiais, e tamén fixo un repaso polos triatletas e probas mais destacadas. 



     Resaltou  así mesmo, o carácter igualitario deste deporte, onde as distancias e os premios económicos son os mesmos tanto para mulleres como para homes, e que o deporte non está reñido cos estudos pois  os triatletas  son capaces de compaxinar os seus entrenamentos de alto rendemento coas suas carreiras universitarias poñendo o exemplo da triatleta do Clube  Triatlón Ferrol, Miriam Casillas.


mércores, 13 de novembro de 2019

O COMPOSTEIRO: OUTRA FORMA DE RECICLAR


Consideramos un obxectivo primordial aprender a reciclar os residuos polo que contamos con   un composteiro, agasallo de SOGAMA. Hai que ter en conta que el compostaxe é un proceso de transformación da materia orgánica para obter compost, un abono natural. Concienciando ao alumnado que o lixo diario que se xera nos fogares contén un 40% de materia orgánica, que pode ser reciclada e retornada á terra en forma de humus para as plantas e cultivos. Desta maneira contribuímos á redución dos lixos fabricando ou noso abono dunha forma ecolóxica e natural