venres, 5 de xuño de 2020

Identidade e orientación sexual:

Este curso no programa Quérote + , en Física e Química de 3º ESO, traballamos a temática da identidade e orientación sexual.
Traballouse o tema a partir do vídeo Love has no labels (O amor non ten etiquetas), no cal se emprega o efecto dunha radiografía na que se ven diferentes formas de afecto a través de esqueletos humanos.
Bioloxicamente temos certos caracteres celulares, morfolóxicos, fisiolóxicos, que determinan o noso sexo. Agora ben, hai persoas cuxo corpo físico non corresponde ao seu "psíquico", á súa forma de entenderse e sentirse sexualmente. No momento de relacionarnos sexualmente con alguén, caben varias posibilidades e a elección dunha ou doutra determina a nosa orientación sexual.
A opinión do alumnado, en xeral, é que cada un ten dereito a elixir a súa orientación sexual e que ninguén pode ser xulgado pola opción que escolla. Debería verse con normalidade, pero aínda non é así. Parte da sociedade é aínda reticente a aceptar as identidades que se apartan da heterosexualidade, mesmo considerándoas unha enfermidade ou un delicto. Rapaces e rapazas coinciden en que o único que pode considerarse doenza ou comportamento delictivo é a homofobia ou o castigo contra os que se apartan da suposta “normalidade”.

O que lles gustaría é que ninguén se sentise mal por ser como é, que o puidesen expresar libremente e contar co apoio das familias e da xente da súa contorna.

Esta é unha mostra dos seus traballos: 


 

Ningún comentario:

Publicar un comentario