CONSUMÓPOLIS: SACANDO PROVEITO AO USADO "ZAPATILLAS CAUCHO SPORT"

O alumnado do centro participou nun proxecto chamado Consumópolis que tiña como finalidade a concienciación da conservación do medio ambiente e da relevancia da reciclaxe. Dábase así continuidade ao impulso de iniciativas neste sentido nas que xa estabamos inmersos no noso centro, posto que xa se viña traballando desde diferentes actuacións, tanto lúdicas (Gymkana de Nadal, onde unha das proba era reciclar axeitadamente) como curriculares (Bioloxía, Promoción de Estilos de Vida Saudables) ou organizativas (quendas para as distintas titorías de limpeza do patio con separación dos residuos).

O concurso dividíase en dúas partes:

 Primeira fase: concurso virtual. Consistía no percorrido pola cidade virtual de Consumópolis.

 Segunda fase: o produto final. Había que deseñar,  elaborar e presentar un produto sobre o consumo responsable.

 O produto realizado polo alumnado de 1 ESO foi:

                           Zapatillas Caucho Sport RINAK 

             " Corre como a túa bici"

Moitos dos materiais como goma eva, pinturas acrílicas en aerosol (cores vermello e prata), pegamento, silicona, grampas, cúter, tesoiras, pistola de silicona e grampadora, xa os tiñamos no centro. Para o resto, o alumnado pediu axuda ás familias e a outros docentes: a cuberta de caucho conseguírona nun desgüace; a taladradora de facer buracos en cintos prestóunola a titora e os cordóns eran uns de recambio que traían unhas zapatillas e que non se usaron.