OS LIBROS NON ENTENDEN DE DISCRIMINACIÓN SEXUAL

Esta foi a conclusión á que chegou o alumnado de 2º da ESO da materia de Igualdade de Xénero cando revisou todo o material bibliográfico con que o CFR de Ferrol enchera a maleta violeta da Igualdade.

Iolanda, profesora de Igualdade e coordinadora do Quérote +,  traballou con estes títulos tanto no grupo de Igualdade de 2º da ESO como cos grupos de 3º implicados no Quérote+. Collían un libro, lían algunhas páxinas do interior ao chou (sen ler a sinopse da contraportada) e facían unha reflexión para o grupo sobre o argumento e a temática que crían que podía ter.