SEMANA DE ACOLLIDA ALUMNADO ITALIANO E FESTIVAL DE NADAL CURSO 2025-26

 18/12/2025  

A semana do 15 ao 19 de decembro, acollemos un grupo de 10 alumnos e alumnas do Instituto G. Mazzini de Livorno (Italia). Asistiron a clase, coñeceron Ferrol da man dos nosos alumnos e visitaron Santiago e a Coruña.

Por tratarse da semana previa ás vacacións de Nadal, puideron asisitir ao noso tradicional Festival de Nadal, unha ocasión máxica que reuníu a toda a comunidade educativa para dar a benvida a estas festividades tan especiais. O programa de  actividades foi variado e emocionate, destacando o talento e a creatividade dos nosos alumnos.  

Actividades Desenvolvidas:

1. Carreira solidaria organizada polo departamento de Educación Física 

con sorteo de agasallos. Torneo de Datchball a continuación.

2. Panxoliñas de Nadal en galego, francés, inglés e italiano.

Os alumnos de 1º e 2º de ESO subiron ao escenario para deleitarnos cunha serie de panxoliñas

 en  galego. A música en galego non só encheu o espazo, senón que tamén reforzou a importancia

 da nosa lingua e cultura dentro dunha semana con sabor europeo.

Todos xuntos cantamos a modo karaoke en todos os idiomas.

3. Representación Teatral: O Apalpador 

O grupo de teatro do centro presentou a obra "O Apalpador", unha divertida e conmovedora 

adaptación que  narra as tradicións do Nadal galego.

 A actuación dos estudantes foi brillante, combinando humor e reflexión,  

e conseguiu atraer a atención de todos.  

4.  Danza: Muiñeira de Chantada 

Para pechar a xornada, as rapazas de 1º de bacharelato ofrecéronnos un fermoso baile 

da muiñeira de Chantada. A súa actuación foi unha exhibición de destreza e traballo en equipo, 

que animou a todo o público  a unirse e bailar. 

Foi un momento especial que resaltou a riqueza das nosas danzas e tradicións. 

5. Entrega de diplomas Erasmus ao alumnado italiano. 

6. Badaladas e festa baile como peche final para unha semana internacional e ao mesmo

 tempo tradicional dentro do noso centro. Xuntos compartimos uns momentos finais de baile

 e risas con toda a comunidade bailando e desfrutando desta festa de fin de ano.