"Unha vida vikinga" na Cidade da Cultura de Santiago de Compostela

O 29 de outubro tivo lugar a visita á exposición "Unha vida vikinga" na Cidade da Cultura de Santiago de Compostela. Nesta visita o alumnado de primeiro e segundo da ESO tivo a oportunidade de aprender de primeira man en que consistía ser un verdadeiro vikingo e desmontar algúns mitos ao respecto. Grazas a maquetas e restos arqueolóxicos de toda Europa: dende armas ate tesouros, dende runas ate tumbas, puidemos aprender sobre como era vivir unha vida vikinga.

De paso, aproveitamos para visitar a catedral de Santiago!

Conmemoración do Día Mundial da Protección da Natureza e do Día Internacional contra o cambio climático

 

Para conmemorar o Día Internacional contra o cambio climático (24 de outubro) e o Día Mundial de Protección da Natureza (18 de outubro), o Departamento de Bioloxía e Xeoloxía realizou unha plantación de sementes de árbores autóctonas co seu alumnado. Ademáis o alumnado de 4º ESO realizou unha saída pola contorna do centro para recoller sementes e elaboraron uns carteis. Aquí podemos ver fotos e os traballos realizados.

VIAXE DENTRO DO PROGRAMA ERASMUS PLUS: PROXECTO KA122 QUERCUS

10 alumnas e alumnos do noso IES viaxaron a Pont-Croix, unha vila da Bretaña francesa para participar nun intercambio dentro do noso proxecto KA122 Quercus.

A experiencia foi un éxito e o alumnado puido practicar a lingua estranxeira, descubrir unha rexión coa que temos moito en común e desfrutar dunha paisaxe atlántica moi semellante á nosa. 

En maio, seremos nós os que recibamos aos nosos correspondentes bretóns.

PATIOS INCLUSIVOS

  Este curso continuamos cos patios inclusivos, unha opción mais para que todxs podan participar activamente nos recreos, e para que ninguén se sinta excluído, quede só, ou aburrido sen saber que facer.