CAMPIONATO DE MINI-DEPORTES

A través da posta en práctica do campionato de mini-deportes, tratamos de conseguir que os recreos se convertesen, durante ese curso escolar, en momentos inesquecibles para os alumnos/as onde, ademais de divertirse e gozar da actividade física, aprendesen e perfeccionasen as regras e técnicas  que se propuxeron.
En canto aos obxectivos que tratamos de conseguir, imos destacar os seguintes:

• Ampliar a participación de todos os nenos/as, porque se reducen as esixencias técnicas do xogo.
• Integrar ambos os sexos nas mesmas actividades (coeducación), xa que se favorece a formación de equipos mixtos e unha participación equitativa.

• Reducir a competitividade que poida existir entre os nenos/as mediante a intervención do profesor, centrada en resaltar a natureza e dinámica deste deporte.
• Utilizar materiais pouco sofisticados e espazos máis reducidos que faciliten a práctica dos deportistas

• Conseguir que os alumnos aprendan e que se divirtan co novo enfoque deste deporte.
• Desenvolver a afección do alumnado á iniciativa e á responsabilidade.
• Contribuír ao desenvolvemento progresivo e integral dos alumnos/as.
• Ser uns elementos compensadores indispensables das tensións da vida moderna.

• Ofrecer un medio excepcional de formación da mocidade.
• Estimular a participación e a iniciativa.
• Iniciar un comportamento moral, ao mesmo tempo que achegar unha contribución ao coñecemento de si mesmo e dos demais.

Grazas a todas e todos os participantes por axudar a que saísen adiante.

Parabéns aos gañadores do torneo de fútbol:
PICHICHI: Douglas.
ZAMORA: Juanito.
1ª grupo clasificado: FPB Comercio.
2ª grupo clasificado: 2º ESO-A.

               

E agradecementos ao persoal de cafetaría tan estupendo que temos, Montse e José, patrocinadores dos premios Pichichi e Zamora.